New Year’s Poem | საახალწლო ლექსები: New Year’s Poem, საახალწლო ლექსები ახალი წელი ახალი წამოწყებების აღნიშვნის დროა. დროა აღვნიშნოთ სუფთა ფიქალი. ყველაფერი შესაძლებელია, რადგან წარსულს მნიშვნელობა არ აქვს. ეს გახდა დრო, რომ ჩვენი რომანტიკული ურთიერთობები აღვნიშნოთ, იმ კოცნით, იმ მომენტში, როდესაც ახალი წელი იწყება. ბევრმა ჩვენგანმაც აღნიშნა, რომ მთლიანად გაფუჭდა. ჰეი, ნუ დააკაკუნებ, სანამ არ შეეცდები. გთხოვთ, ნუ დალიოთ და იმოძრავეთ. ახალი წლის აღნიშვნა იმით თქვა, რომ თქვენი ცხოვრება და სხვათა ცხოვრება ქუჩაში არ არის მნიშვნელოვანი, არ არის ზუსტად ცხოვრების მტკიცება.
საახალწლო ლექსები
ნაძვის ხის სიმღერა
ფავორიტებში დამატება
მოვალ, როცა მთა და ბარი
თეთრ ნაბადში გაეხვევა,
პატარების საოცნებო
საახალწლო ნაძვის ხე ვარ.
ჩამოვიყვან თოვლის პაპას,
მხარზე ხურჯინგადაკიდულს,
ჩამოვიტან ნამცხვარს, ქადას,
ჩურჩხელას და შაქარყინულს.
მალხაზებო, მანანებო,
ვარსკვლავების სადარებო,
მოდით ჩემთან, საჩუქრები
დაგირიგოთ, პატარებო!
სიმღერებით ცა მთოვარი
გაათბეთ და გაადარეთ,
ეს ახალი წელიწადიც
ბედნიერად გაატარეთ!
ნოდარ დუმბაძე
საახალწლო
ახალი წლის საღამოა,
ქარი ქრის და ფიფქი ცვივა,
თოვლის საბანს რომ იხურავ,
ნაძვის ხეო, არა გცივა?
არა მცივა, პატარებო,
მე ღიმილი თქვენი მათბობს
და გისურვებთ, რომ თქვენს გულშიც
არასდროს არ დაიზამთროს.
ზამთარია, მაგრამ გული
არ გითბებათ ყველას განა?
ხედავთ? თოვლის ბაბუამაც
საჩუქრები მოგიტანათ.
უღრან ტყიდან მოვიჩქარი,
ისე ძლიერ შემიყვარდით,
მე მოვედი, რომ ახალი
მოგილოცოთ წელიწადი.
ნოდარ დუმბაძე
თოვლის პაპის ნათქვამი
ცეკვით, სიმღერით,
სიცილ-კისკისით
მომილოცია
ახალი წელი!
მომაქვს ციგები,
მომაქვს გუნდები,
მაჭახელების
ჭახან-ჭახანი!
მაღალი ნაძვის
მწვანედ ღაღანი,
მწვანე ნაძვივით
რწმენა მაღალი,
რომ ამ მიწაზე
აღარ იქნება
წყარო დამშრალი,
ნერგი გამხმარი.
გულს გაგვიხარებს
შრომის სიმღერა,
წარმატებები
ახალ-ახალი
და საქართველო
გახდება მალე
მართლაც ზღაპრული
მხარე ბაღნარი
გივი ჭიჭინაძე
ციკოს თოვლის პაპა
ახლა წლამდე ცოტა დარჩა,
მოადგება აგერ, მთებს.
მუხის ძირას ციყვი ციკო
თოვლის პაპას აკეთებს.
მოაგროვა სამი გუნდა,
არ დასჭირდა წვალება.
ორ ცალ კერკეტ კაკალს უდებს
თოვლის პაპას თვალებად.
ტანზე კოხტად ჩაურიგა
ყავისფერი ღილები.
განა მართლა ღილებია –
გაკროლილი თხილები.
სტაფილო აქვს ცხვირის ნაცვლად –
ციკო მართლა არ ხუმრობს.
მხოლოდ ქუდი ვერ იშოვა,
თავზე რომ დაახუროს.
ფუღუროსკენ გაეშურა,
იქნებ, რამე მოძებნოს…
თოვლის პაპა მარტო დარჩა
და თავისთვის ოცნებობს:
“მალე ქუდსაც დავიხურავ,
ხელში ჯოხსაც დავიჭერ.
სულ პირველი მე გავიგებ
ახალი წლის ნაბიჯებს!..”
უცებ, მართლა ნაბიჯების
ხმა მოისმა შორიდან.
გაუკვირდა თოვლის პაპას –
ნუთუ, უკვე მოვიდა?
მაგრამ, არა, ახალი წლის
ნაბიჯები როდია,
ეს კურდღელი ამბაკო და
თაგვი თენგო მოდიან.
დაინახეს თოვლის პაპა…
რა გგონიათ, რა მოხდა?
ცოტა ხანში, როცა ციკო
ხიდან დაბლა ჩამოხტა,
იქ რაც დახვდა, დამშვიდებით
აბა, როგორ უცქიროს –
თოვლის პაპა უღილებოდ,
უთვალებოდ, უცხვიროდ!
ვასილ გულეური
საახალწლო ლექსები
საახალწლო ლექსები
